吃吧 (僑建大廈) (已結業)

之前去咗食一間位於旺角嘅樓上餐廳 Chiba 吃吧❤️餐廳喺油麻地碧街行兩個街口就到位置都相當方便一入到去餐廳嘅裝修好有心機門口呢幅牆貼滿晒加油嘅字句我諗係一間黃店👍🏻入到去啲燈光都幾有情調 今次呢就食咗一個小食拼盤 一嚟到超級大份🤣🤣 有五款×兩件唔同嘅小食 有蟹肉牛油果 蘋果肝醬 煙火腿蜜瓜等等 每款啲用料都好有心機 ❤️❤️❤️主食我揀咗一個牛一個豬🐽牛係慢煮甜酒燴和牛 煮得非常之入味 質地亦都好軟熟易咬 豬係煙燻西班牙豬扒 呢個好特別😲上枱嘅時候佢係會連埋啲煙一齊上嘅🤩 配料有啲蕃茄啊等等酸酸味味 配埋個豬扒食味道好夾 滿足晒視覺上同味覺嘅人上嘅享受😚😚嘢飲方面最特別就係佢有超級多啤酒可以揀🤗 我就揀咗一款有了結糖味嘅啤酒 苦得黎甜甜地 肥仔就揀咗個cider 但味道就偏甜我覺得比較啱女仔🤭樓上餐廳來講食物質素真係相當之唔錯 上菜上得晒擺盆有心機🌹 當然啦價錢係比起一般樓上餐廳呢係貴嘅 我食晒咁多野大概係690幾蚊 香港而家小店就真係唔多啦😞😞我覺得以支持小店價黎講係可以再去幫襯嘅 加油啊💪🏻💪🏻