圓仔記

营业中

休息中

香港雖然「落後」，連茶記都提供唔到甜品/糖水，但唔緊要，其實有好多小店其實有糖水提供，今次就介紹係旺中人氣芋圓小店圓仔記。圓仔記雖然唔係我認為的世一芋圓店，但係佢嘅位置好方便，就喺旺中。而且佢一直堅持手工製作芋圓，味道同口感都唔錯。如果你嚟到圓仔記，俾個貼士大家，記住要叫自選套餐，因為係最抵食又多選擇。湯底我個人鐘意椰奶或者鮮奶，而配料方面，紫薯圓同地瓜包心芋泥球丸係我個人最推介嘅。佢哋嘅質地好Q彈，而且味道自然，食得出原材料嘅味道。另外，芒果爆珠同愛玉凍都值得一試。至於焙茶味芋圓，味道好濃郁，但質地有啲硬，如果佢可以做番紫薯圓嘅質地就完美啦。總括而言，圓仔記係一個好抵食同有誠意嘅芋圓小店，值得一試。