影片
更多
2011-09-23
71 浏览
熟識我的朋友, 最近知道我發生過些很不逾快的事, 知道後也明白點解我選擇了這樣做, 但對向外的讀者點都要有個交待, 費事有人話我攪事. 其實事程好簡單, 就係有些人不時借些藉口去踩住其他食友來突出自己的無尚表現, 最近還要得閒得際忽然攪到我身上來! 這些動作其實已不是第一次. 個個人, 容忍都有個限度. 要不是我也不會寫了近三年 Openrice 才突然發火大罵. 有些人做的, 包括最少以下這幾宗罪:- 朋友講起明天HOFEX食晏去食什麼好, 我說去食碟乾炒牛河因為試過好食, 又唔知關些人什麼事, 聽後要在十二小時之內去食, 食完立刻上 fb 踩你唔識食. 還要不停抽水抽足幾個月. 關你蛋治呀, 又唔係黎攪你或同你講? - 大家食友開開心心去開蠔班, 試試落手落腳, 又要俾人踩, 話 buffet 都有蠔. 係, 又唔得的. 雖然buffet 那些是大路貨, 沒有名氣的. - 去 Openrice 殿堂食家的滿福樓飯局, 插人家唔識叫師傅的餸, 不懂攪飯局. 食家們又唔識食, 但都俾了高分. 又想㩒低人地來突出自己啲飯局吧.- 有人喜歡寫
熟識我的朋友, 最近知道我發生過些很不逾快的事, 知道後也明白點解我選擇了這樣做, 但對向外的讀者點都要有個交待, 費事有人話我攪事. 其實事程好簡單, 就係有些人不時借些藉口去踩住其他食友來突出自己的無尚表現, 最近還要得閒得際忽然攪到我身上來! 這些動作其實已不是第一次. 個個人, 容忍都有個限度. 要不是我也不會寫了近三年 Openrice 才突然發火大罵. 有些人做的, 包括最少以下這幾宗罪:- 朋友講起明天HOFEX食晏去食什麼好, 我說去食碟乾炒牛河因為試過好食, 又唔知關些人什麼事, 聽後要在十二小時之內去食, 食完立刻上 fb 踩你唔識食. 還要不停抽水抽足幾個月. 關你蛋治呀, 又唔係黎攪你或同你講?
- 大家食友開開心心去開蠔班, 試試落手落腳, 又要俾人踩, 話 buffet 都有蠔. 係, 又唔得的. 雖然buffet 那些是大路貨, 沒有名氣的.
- 去 Openrice 殿堂食家的滿福樓飯局, 插人家唔識叫師傅的餸, 不懂攪飯局. 食家們又唔識食, 但都俾了高分. 又想㩒低人地來突出自己啲飯局吧.
- 有人喜歡寫幾杯咖啡, 又要話食友點樣口爆又理樣唔俾. 自己就寫乜都得.
- 不停踩其他飲食記者或食家, 話人地懂咩呀 或真係會出去搵店試咩? 囂張亦唔尊重人
- 我俾邀請了去 Manzo Opening Party, 索性過去睇下那邊什麼環境, 又要無端端借態發揮踩到過黎. 吓, 又唔得?
- 同有些人一齊去PR Event 見面時就好地地我已經俾足面, 有講有笑諗住還可以做好朋友, 點知轉過身都未夠一個鐘就即刻上網踩晒其他食友, 話有免費餐就讚咗間嘢. 雖然這個是屈機! 只係話過杯Rose Latte 咖啡唔錯姐. 但有人自己去試菜就無例外地俾高分、就好地地. 正一 double standards 的 Hypocrite.
- 我嘗試道出本地有名餐廳的大廚親口解釋, 怎樣燒好些叉燒嘅心得來分享, 其中一樣話題講到需重複雪過再解凍後再雪豬肉, 而這是幫忙肉質變淋一點, 但就會失了豬肉真味. 這其實係中西餐入面好普通的 Culinary technique 常識, 尤其係對魷魚類最有用. 但有人不明白道理又要踩過來, 在微博吋完隔幾個星期後又要開 blog 說什麼叉燒不嬲不是用新鮮肉的. 大哥, 這裡根本從來無人堤過係關新唔新鮮事, 係關乎怎樣處理一件肉來做到想要的 texture 效果. 唔明固中道理就吋人, 不要打個電話去問下師傅先啦! 自己連人家 PR 個名都吋錯晒 !
- 自己的朋友去 Bistronomique 覺得好食佢唔同意, 就係都要硬屈到個食友同TBLS 部車立入面遇到嘅鬼仔一樣唔識食. 大佬, 嗰個係你朋友黎.
.
凍檸檬茶 -比起很多坊間的, 這杯很有茶勁同香味, 果然有花過心思調教.
.
蕃茄木瓜湯 - 最喜歡這種清清的家庭味道, 有時比落了些肥雜肉落去煲的還要健康清新.
有時自己無時間煲湯, 也不是家家店都有這清淡的湯.
.
滑蛋牛肉飯 (轉了菜飯底) -順興的炒滑蛋質素真的是不用怎麼懷疑, 有點但不算好多的蛋香, 還有滑滑的蛋汁. 偶然試過蛋會炒得比較簿身. 牛肉方面, 順興的比起中環樂香園輸蝕了少少, 只是拾過後就放上蛋面罷了, 沒有炒香過的味道而牛肉味也欠奉. 但可能有人會喜歡這種白拾做法的. 而豉油方面也不可看少, 是附有點葱的香香甜甜味道, 送飯幾好味. 有時也喜歡加錢 upgrade 去用菜飯, 是同那滑蛋配絕! 私人則比較喜歡這裡的滑蛋蝦仁, 去腸去得乾淨又新鮮大隻爽口! 滑蛋叉燒飯的叉燒也不錯但自家醃的反而少了點焦味. 車仔腸粉也很特別. 可惜這批相片好像放了在另一部電腦度, 唯有下次再寫過!
也順帶一堤. 有食家曾在這裡堤及過 順興的滑蛋飯 就是香港的蛋蓋飯代表 (俾稱為 オムハヤシ - Omuhayashi). 其實這是不對的, 也久不久見到幾個其他食家朋友信後招抄, 就出了事. 好彩有次同有這遭遇的朋友堤起後, 佢無嬲到我. Omu Hayashi 的 Hayashi, 係代表 Hayashi Rice ハヤシライス, 一種很有人氣的西式牛肉 Hash Beef 汁放在飯面同吃. Omuhayashi 只不過是這種牛肉汁飯, 加了庵列的意思, 不是什麼蛋蓋飯. 隨了 1) 蛋蓋的形式 (卵で包まないタイプのオムライス), 其實還可以是 2)普通的蛋包飯形 (卵で包んだ) 或 3) Tampopo 切開後會流蛋的最高境界 (蒲公英 たんぽぽ, or 卵の逆さオムライス). 上谷歌看看 オムハヤシ 圖片就知道沒有了牛肉汁的, 就不是 omuhayashi 了. 三種唔同 style 之中的蛋蓋飯 Style 其實無話有個特定的名稱, 只係普通地叫 卵で包まないタイプのオムライス 就可以.
最重要的, 是日本的這間食店係叫 たいめいけん (Taimeiken). 而不是某食家在這邊同博格也打錯了的 たいめいけんは 抄多了個字. 有時菜式名字撈亂了不明白不特止, 就連店名也介紹錯的話 - 也請這位人兄不要三番四次地逼人去信他教人的什麼正宗蛋包飯又好, 咩都好, 或講到其他記者或食友唔識食了... 我已經受夠啦. 如果我要出聲, 其實一兩年前都可以已經爆晒出黎, 唔洗等到今日
张贴
