煮茶

营业中

休息中

朋友介紹長沙灣煮茶有好味的椰汁黑糖珍珠，於是我哋經過長沙灣時就特登去呢間買嘢飲。一早去到店舖尚未開門，已經有人排隊。本來我地諗住一人飲一杯唔同既野，例如一杯椰汁黑糖珍珠同一杯果茶，但係後來我發現店主話需要等一等，因為椰汁仲未準備好，跟住我見到鋪頭內有一座椰子山，我就明白朋友說的椰汁很好飲，係因為椰汁是鮮榨的，並唔係加工罐頭嘅椰汁。我地最後決定飲兩杯椰汁珍珠，等左15分鐘左右就有得飲，有位嬸嬸本來都整好兩杯想俾我地，但後黎收返，話因為佢忘記咗刮邊所以兩邊無咁令！冇咗虎紋！我哋兩個都話唔緊要啦，都可以照飲，跟住佢就話唔好呀，因為佢真係唔記得咗。跟住就拿拿臨再整多兩杯俾我哋，新整的兩杯都很漂亮！椰汁同黑糖嘅味道好夾，比起傳統嘅珍珠奶茶、鮮奶，反而唔會太甜！我同朋友都好喜歡，尤其欣賞佢哋鮮榨椰汁嘅心機，實在令人覺得飲得好健康飲品！味道唔會太甜，而且又唔會太大杯，食完野經過嘅時候，買杯椰汁黑糖珍珠飲就剛剛好。我覺得呢間嘅賣點就係新鮮嘅椰汁，所以係絕對值呢個價。