豬手工房

营业中

休息中

今日已經係第二次去呢一間豬手工房啦，朋友聚會話想食好嘢，我第一時間諗起嘅就係呢一間豬手工房！之前食過一次，真係食過返尋味，所以今次都帶咗佢去試吓😍入到呢間餐廳嘅時候就已經感受到滿滿嘅人情味，呢度嘅店員服務態度非常親切！今次我哋就試咗呢間餐廳唔同嘅新菜式，呢間餐廳真係定期就會有新嘅菜式，好有心思！我自己今次重點推介嘅就係呢一個黑松露鵝肝青瓜炒飯！呢一份黑松露鵝肝炒飯真係好吸引，就咁望就已經知道份量十足，而且呢度嘅炒飯真係炒得粒粒分明！好乾身！而且黑松露嘅香味估唔到可以同炒飯咁配合！另外，呢度上面嘅鵝肝都好大件，鵝肝嘅油脂滋味到十足，真係好香！