鮨一心 (已結業)

今日嚟到呢一間門口雖然比較低調但入邊絕對有驚喜嘅一間壽司店，位置亦都唔係大街大行，而且冇乜人流但勝在有得泊車。 一坐低已經係日本人對住你係你面前都整壽司， 睇得出呢個老師傅經驗十足絕對唔係一般係出邊壽司店嘅普通壽司工。 廚師發板， 即整即食我哋揀咗＄400嘅午餐包括10件壽司，前菜同埋甜品。事不宜遲已經即刻上咗個前菜俾我哋先品嚐， 一個溫泉玉子加一啲好似啫喱狀嘅豉油， 溫泉玉子淡淡嘅甜味有加埋小小咸 配上日本醬油果種香味。 配合得好好。跟住就到主菜啦10件壽司全部都時好新鮮即叫即整睇得出材料都係最新鮮嘅食材， 唔會有嗰啲腥味呀一啲多餘嘅味道。 果仲鮮甜味係一般壽司店食唔到嘅， 加上師傅嘅手勢絕對係值回票價。 每一件壽司都需要細心咁樣去品嚐， 會感受到好多層次， 最後再加多個甜品咁就完美無瑕。 連我朋友食完都讚好話要再帶朋友嚟下次，再豪多次。