影片
更多
2019-05-16
17 浏览
前幾日同朋友放咗工後喺尖沙咀行完街，夜晚去到出名多嘢食又有得飲吓嘢嘅諾士佛臺食晚飯。見到易拉架嘅相就被吸引咗上去試吓喇! 環境裝潢都幾靚，坐位寬敞， 仲有啲sofa 位，坐得都幾舒服。除咗有波睇之外，仲有beer pong，桌球同掟飛標玩，總有一款啱玩，包唔會悶親! 同多啲friends 嚟應該仲好玩啲!可能因為我去嗰日係平日夜晚，所以人唔算多，不過靜靜哋可以同friend 傾吓計都幾好。Anyway，今次主要係嚟醫肚，叫咗兩個set dinner 同兩款小食。香蒜辣椒檸檬汁炒蝦啲蝦都幾彈牙大隻，辣辣哋加上檸檬汁嘅微酸吊出蝦嘅鮮味，唔錯，惹味之選。三文魚薯蓉配洋小茴醬炸薯蓉粒裡面混和咗三文魚碎，都幾香口，送酒一流。美國肉眼扒配燒肉汁份扒超級大，要同個friend share 嚟食先食得晒! 除咗份量大之外，肉質亦唔錯，幾 juicy。配埋甜甜哋嘅炸蕃薯條，令呢道菜味道更豐富。帶子蕃茄意粉佢嘅帶子都幾大隻，新鮮好味，煎得啱啱好，唔會韌。呢個意粉相對比較’刺激’，因為佢除咗蕃茄味濃之外，辣味都十足! (可能啲好食得辣嘅人會覺得並唔係一回事.. 😆) 醒胃之選。跟餐仲有餐湯(忌廉粟米湯)同沙
見到易拉架嘅相就被吸引咗上去試吓喇!
環境裝潢都幾靚，坐位寬敞， 仲有啲sofa 位，坐得都幾舒服。
除咗有波睇之外，仲有beer pong，桌球同掟飛標玩，總有一款啱玩，包唔會悶親! 同多啲friends 嚟應該仲好玩啲!
可能因為我去嗰日係平日夜晚，所以人唔算多，不過靜靜哋可以同friend 傾吓計都幾好。
Anyway，今次主要係嚟醫肚，叫咗兩個set dinner 同兩款小食。
香蒜辣椒檸檬汁炒蝦
啲蝦都幾彈牙大隻，辣辣哋加上檸檬汁嘅微酸吊出蝦嘅鮮味，唔錯，惹味之選。
三文魚薯蓉配洋小茴醬
炸薯蓉粒裡面混和咗三文魚碎，都幾香口，送酒一流。
美國肉眼扒配燒肉汁
份扒超級大，要同個friend share 嚟食先食得晒!
除咗份量大之外，肉質亦唔錯，幾 juicy。
配埋甜甜哋嘅炸蕃薯條，令呢道菜味道更豐富。
帶子蕃茄意粉
佢嘅帶子都幾大隻，新鮮好味，煎得啱啱好，唔會韌。
呢個意粉相對比較’刺激’，因為佢除咗蕃茄味濃之外，辣味都十足! (可能啲好食得辣嘅人會覺得並唔係一回事.. 😆) 醒胃之選。
跟餐仲有餐湯(忌廉粟米湯)同沙律(煙鴨胸沙律)，所以食完真係好～飽～。
张贴
