影片
更多
2017-08-05
831 浏览
呢間新開嘅西式餐廳 無論食物、裝修同概念都非常有特色 淨係呢款摩天輪都好正🤗----------雜錦拼盆 ( $178 )睇得又玩得嘅摩天輪 其實係小食拼盆 分左做5個車廂 包括烤土耳其麵包 照燒汁芝士肉丸串燒 伊比利亞火腿炸薯丸 墨西哥辣椒蜜餞雞翼 炸秋葵魷魚 😬港🐷比較中意薯丸 炸得脆之餘內裏嘅火腿薯蓉軟淋淋😬肉丸都幾特別 有3種唔同肉 仲有芝士做餡😆 雞翼稍為失色左啲 食落唔辣唔夠濃味🙁 秋葵炸左之後潺嘅感覺少左好多 反而似係食緊普通炸物☺️-另外有4兜個汁 分別係松露汁 越式魚露 香草醬 甜椒杏仁醬 餐廳就建議薯丸配松露汁 炸秋葵魷魚配魚露 麵包就配香草醬同杏仁醬 其餘就唔點都夠哂味😛-10.5吋自選薄餅最基本係有1款pizza醬 + 1款芝士 + 1款香草 ( $98 )加肉 / 海鮮 / 菜 每款 $15 - $22好似車仔麵咁 由零開始 自己揀醬汁配料 超過60款選擇 有大路野又可特別嘅😆 港🐷揀左喇沙醬做底 甜甜辣辣咁幾惹味 材料就揀左煙三文魚 香辣牛肩肉 西班牙辣肉腸 甜椒 火箭菜幼苗 第一次自配pizza都幾好味喎😏 另外仲加埋碎芝士😆-蒸松露蝦蓉粉包 ( $148
呢間新開嘅西式餐廳 無論食物、裝修同概念都非常有特色 淨係呢款摩天輪都好正🤗
----------
雜錦拼盆 ( $178 )睇得又玩得嘅摩天輪 其實係小食拼盆 分左做5個車廂 包括烤土耳其麵包 照燒汁芝士肉丸串燒 伊比利亞火腿炸薯丸 墨西哥辣椒蜜餞雞翼 炸秋葵魷魚 😬港🐷比較中意薯丸 炸得脆之餘內裏嘅火腿薯蓉軟淋淋😬肉丸都幾特別 有3種唔同肉 仲有芝士做餡😆 雞翼稍為失色左啲 食落唔辣唔夠濃味🙁 秋葵炸左之後潺嘅感覺少左好多 反而似係食緊普通炸物☺️
-
另外有4兜個汁 分別係松露汁 越式魚露 香草醬 甜椒杏仁醬 餐廳就建議薯丸配松露汁 炸秋葵魷魚配魚露 麵包就配香草醬同杏仁醬 其餘就唔點都夠哂味😛
-
10.5吋自選薄餅
最基本係有1款pizza醬 + 1款芝士 + 1款香草 ( $98 )
加肉 / 海鮮 / 菜 每款 $15 - $22
好似車仔麵咁 由零開始 自己揀醬汁配料 超過60款選擇 有大路野又可特別嘅😆 港🐷揀左喇沙醬做底 甜甜辣辣咁幾惹味 材料就揀左煙三文魚 香辣牛肩肉 西班牙辣肉腸 甜椒 火箭菜幼苗 第一次自配pizza都幾好味喎😏 另外仲加埋碎芝士😆
-
蒸松露蝦蓉粉包 ( $148 )另一推薦係呢個越式溏心蛋松露粉包 粉包用越式河粉皮 包住松露蝦蓉 再配埋溏心蛋汁 呢種crossover真係好成功 口感唔錯😋
-
彩虹下的寶藏 ( $45 )顏色好似彩虹咁七彩 由橙、熱情果同菠蘿整成嘅梳打 飲落好爽
脫脂乳酪沙冰 ( $45 )
自選2種水果 港🐷揀左菠蘿+蜜桃 呢個配搭都ok 唔會太甜太膩😌 除咗混合水果 仲有得混Cappuccino 唔知你又敢唔敢試下呢🤓
呢度地方就腳 無論兩個人定一大班朋友都啱 平日嚟都已經好full 建議去之前可以book定位🤔
张贴
