戀上台式料理 (已結業)

𝒯𝒶𝒾𝓌𝒶𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒯𝓈𝑒𝓊𝓃𝑔 𝒦𝓌𝒶𝓃 𝒪 ▮ 有得食燒肉既台式料理呢家係將軍澳想搵間環境好又舒服既餐廳一啲都唔難，係翩匯坊後面海旁位置有好多唔錯既餐廳，今日黎呢間食台式野之餘仲有得食燒肉既，戀上台式料理▫️鹽酥大大雞扒飯 ($88)食台灣野點少得鹽酥雞扒飯，雞扒炸到外脆內嫩，熱辣辣咬落仲有肉汁，好好食，另外配上魯肉飯，魯肉汁整得夠香同夠味，啲肉又唔會乾曾曾，淨係魯肉飯好食到可以食兩碗🍚▫️牛肉拼盤 ($288)（牛舌/牛肩甲/牛小排/牛胸腹)食台灣野之外，仲有得食燒肉，真係滿足哂兩個願望。牛肉質素唔錯，整體肉質同脂肪比例都好平均，個擺盤又日式，都唔錯！😍▫️芋圓紅豆配自家制木桶豆腐花 ($68)食台灣野點少得台式甜品，我係芋圓控，最中意煙煙韌韌既口感。佢豆腐花雖然未係好似山水豆腐花咁滑，但佢係自家制同好重豆味果隻。而且配左紅豆、芋圓同水果。佢係四人份，可以裝到四碗咁多！😂▫️雪崩珍珠朱古力($45)呢個超邪惡囉，面頭奶蓋多到瀉出黎，朱古力甜度都適中，仲有珍珠，飲完都覺得飽飽地，但佢打卡係一流😆📍戀上台式料理 𝐅𝐢𝐫𝐬𝐭 𝐋𝐨𝐯𝐞將軍澳唐俊街21號翩匯坊地下𝘎2