瀛燒居酒屋

营业中

休息中

雖然餐廳位置不起眼，周末的晚上卻有不少食客前來棒場。餐廳裝修充滿日本色彩，二樓天花掛滿了色彩繽紛的日式燈籠，牆上則貼上大大小小的特色海報，在舒適漂亮的環境底下食飯都特別令人放輕鬆。壽司面頭的魚生色水唔錯，新鮮無腥味。壽司飯黏度足夠而且握得夠實，所以夾起唔會咁易鬆散，水準唔錯。魷魚燒得岩岩好，有咬口但唔多筋，加上燒汁一齊食好惹味。最令人印象深刻的是清酒煮蜆和牛肉壽喜燒，用作煮蜆的湯底本身已經好清甜，再加埋大大隻嘅青口，更添鮮味。壽喜燒用的肥牛肉質軟腍無多剩餘筋腱，脂肪比較多所以油香味好濃，令人愈食愈喜歡。除左好味嘅食物外，餐廳仲準備了很多board game比客人隨便玩，又有街機同埋飛標可以任玩唔嬲，好適合一大班朋友前來食飯消遣。