I Leisure (已結業)

呢間店係最近尖沙咀新開嘅一間樓上餐廳，今日經過順便上嚟一試， 一上到嚟餐廳裝修好有用心，座位都幾多。我哋最先被吸引嘅就係佢呢間店有麻辣小龍蝦食，一直想試好耐，係香港甚少有得食，佢呢度煮得好夠味，麻香辣香十足，隻隻小龍蝦都好大啖肉，越食越開胃真係！跟住係先飽眼福的海鮮搖籃，大大袋海鮮shake完秤上碟，打開後蒜香味撲鼻，係用特製的蒜香辣汁，十分惹味。我地海鮮搖籃有以下5款: 有蝦，鮑魚，帶子，青口同蜆，樣樣都好鮮美肉厚，配搭埋醬汁將本身海鮮鮮味更突出，更有層次👍除了海鮮，仲有好甜既粟米同脆皮腸做配菜，呢個搖籃份量夠曬誠意❤️最後仲有叫多個燒牛肋骨，牛味濃 郁，肉質唔會柴同韌，味道水準夠！題外話，餐廳環境氣氛適合打卡之外，都好啱一班朋友仔上黎食住玩，飲返杯🥂🍻有提供飛鏢同beer pong等娛樂設施。