Crazy Car Café (已結業)

之前係台灣玩過呢啲卡丁車之後，一直念念不忘知道荔枝角開咗一間Cafe，有得玩卡打車之外，仲有得食！所以就過嚟試吓啦位處係D2 Place，位置都算算方便，唔難搵！個場三份一係餐廳，三份二係玩卡丁車嘅地方，地方唔及台灣大，但係香港呢啲寸金尺土嘅地方，都算係咁㗎啦！食物種類以西餐為主，仲有啲小食咁，比我想像中多嘢食！另外呢到係有最低消費嘅，入場嗰陣時要問清楚啦！呢到有分大人場同小朋友場玩，大家只要根據番佢安排嘅時間去就可以！呢個係紅酒繪牛肉意大利麵$148，個汁加咗啲紅酒去煮，如果小朋友食就要留意番啦！熱朱古力$40都有拉花，真係估唔到！呢到又有得食又有得玩，香港地真係無乜方做到！