一郎 (已結業)

前日去咗尖沙咀買嘢，發掘咗呢間好colourful嘅拉麵店🍜 因為佢入面有幅好大嘅漫畫牆，似乎係間店嘅主角，好得意😛 仲有幾隻大bearbrick，充滿玩味🤓 食拉麵滿$100仲可以扭蛋扭優惠，我扭到$10 coupon😛🔸 限定君 $138見佢依期做緊期間限定拉麵，係鯛魚白湯拉麵🐟 鍾意魚湯嘅我一於試吓！魚湯飲落鮮甜😌 而鯛魚食落口感都幾嫩滑，呢個麵係跟咗幼麵，麵質揀咗普通，但食落都偏腍少少，如果鍾意個麵有口感啲嘅就揀返硬麵會好啲🤓🔸 赤郎君 $98男友就揀咗呢個辣拉麵嚟試，佢話個湯底唔算好辣，同埋佢特登揀咗一個硬身少少嘅粗拉麵嚟試吓，又真係幾有咬勁😋 最出色係佢嘅半熟溫泉蛋，其次係唔會好肥膩而又軟腍嘅叉燒😚🔸 唐揚炸雞 $38我哋食拉麵例牌都嗌返啲小食，而今次揀咗唐揚炸雞，炸雞份量都唔少，味道食落似好食版嘅CP炸雞😝 都幾juicy，唔錯！🔸 溫泉流心玉子冷豆腐 $38而呢個凍豆腐就喺中間開咗個小洞，喺面頭加咗隻流心溫泉蛋，加埋啲木魚碎同個甜甜哋嘅醬，好夾！🔸 靜岡抹茶可樂 $26呢個係有少少綠茶味嘅可樂，飲上嚟都似少甜版嘅可樂，茶味就唔算太出，但都幾好飲🙌🏻🔸 靜岡蜜瓜梳打 $2