牛陣 (荃新天地) (已結業)

中午時間嚟到荃新天地呢一間餐廳，未入餐廳之前就先玩個小遊戲［Be Happy 夏日祭典遊戲🥳］，最後收到份小禮物。環境氣氛感覺都很日式🇯🇵揀了「澳洲產 特上長期穀飼牛及沖繩豚放題套餐」 $279/位 （90分鐘） 和 「美肌豚骨湯」有多款美食：澳洲產長期穀飼牛、嚴選牛肉、上級牛肉、沖繩豚肉、豚肉、牛舌...等，而個人比較喜歡「澳洲產特上長期穀飼牛」肉味香濃肉質嫩滑，另外，八爪魚和墨魚都超爽口！鮮味十足！自助區都好有驚喜，有四款味道嘅Häagen-Dazs雪糕：朱古力、士多啤梨、夏威夷果仁、焦糖脆餅，估唔到有爆谷、章魚小丸子、仲有自製棉花糖食😆。服務員真係好細心，個餐期間限定有「波子汽水」送，服務員見小妹笨手笨腳唔識開，就好主動上前幫忙。最後臨走前送上九折卡，下次三個月內幫襯又有得平🤑。