好鍾意去一d有得祈願有得玩既餐廳,好似某某日式餐廳就有擺放祈福牌畀人寫上願望, 又有某某川菜餐廳有棵願望樹比客人掛願望...
而呢間老鍋火鍋店, 就有得放天燈寫上願望,係電腦系統寫好願望, 天燈就會喺大屏幕度 放,維持大概20秒,有足夠時間影相,哈哈!!!
依間火鍋店係屬於台式風味,喺點餐紙上都可以見到一啲台灣特色嘅小食同菜式...
自助醬油調味,擺放得整齊乾淨
鍋底選咗養生鍋, 特別想講一下,佢用嘅人蔘真材實料,原條有頭有尾嘅人蔘,入口甘甜,煲起啖湯真係好好飲,仲有粟米豆腐冬菇紅棗杞子圓肉等等材料
成日都覺得口講無憑有圖為證,個湯底真心"正",光係個湯底已經比99分!!!
白玉毛瓜雙拼,白玉即係白蘿蔔,毛瓜即係節瓜,擺碟排放得好靚有朵花做裝飾
皮蛋貢丸,幾創新第一次嘗試貢丸裏面包住皮蛋,味道又幾夾
美國豬梅花肉,肥瘦剛好肉質嫩滑
夜市炸臭豆腐,呢個真係台灣小食嘅代表作 ,我就先浸浸湯再食,一陣獨特嘅臭味,咬落硬硬地好有口感
鹹蛋炸魚皮,起初我先浸浸湯食,發現鹹蛋黃會流失所以唔使浸湯就咁食,脆卜卜好香口
王子麵,點餐嘅時候唔知咩係王子麵,問店員原來係正宗台灣嘅面,口感味道好似伊麵
烏梅汁+杭菊露,感覺健康,飲落好解渴潤喉,打邊爐飲一流
