福岡漢堡扒 (鴻威大廈) (已結業)

旺角/油麻地嘅呢度一向都好多人，今次見到有一間漢堡扒嘅餐廳見幾得意就行入去試吓。佢哋嘅漢堡扒幾特別，係俾一舊大嘅生漢堡扒同埋一塊燒熱咗嘅石你，自己燒。職員亦都好體貼，見到塊石開始變凍就會主動過嚟幫我哋換。位置亦都幾寛闊，坐得幾舒服。

兩人套餐(ver. 2)

墨西哥辣椒和牛漢堡扒
墨西哥辣椒再加上漢堡扒令人一試難忘，想一路食落去。小小嘅辣味好惹味，打成一粒粒喺個漢堡扒入面好夾，但係又唔會冇咗啲肉味，依然係好濃味，而且側邊仲有少少蛋可以食，一個人食絕對食得飽。

墨西哥辣椒和牛漢堡扒

芝士蛋蒜和牛漢堡扒
一上枱就聞到啲蒜香味，牛肉煎完之後都仲好有蒜味，啲芝士蛋份量都好足，鋪滿晒成個鐵板，份量好足。

芝士蛋蒜和牛漢堡扒

和牛乒乒乓拌飯
仲有一個好大份嘅撈飯，加上醬汁撈嚟食好滋味。牛肉份量都好足，呢個餐好適合比較大食嘅人叫！

和牛乒乒乓拌飯