蝦蝦燒 (已結業)

經常去大鴻輝打邊爐 次次搭𨋢都見到呢間蝦蝦燒🦐成日都話食擇日不如撞日 上星期就同細佬咗食呢間 寫住有得任食流水蝦同海鮮 單單呢點已經好吸引 又有得玩又有得食😙😙佢有好多唔同種類嘅海鮮 最特別係有一條條魚燒仲有生蠔啦同鮑魚同三文魚🐠本身好想試吓燒一條完整嘅魚 但我哋驚會燒好耐 同埋怕唔識燒會燒得好耐會好老 所以最終冇食到 就瘋狂食佢嘅鮑魚同蜆仲有啲串燒😂串燒種類有好多 豬牛羊雞每樣都有啲 我哋每樣都攞咗嚟啲 樣樣都好食好入味 另外呢度仲有樣好特別嘅就係平時入大澳先有得食燒魷魚(?)定要魷魚乾😂 太耐冇食覺得好好食脆卜卜咁😝😝另外有熟食區 有啲西蘭花炒蝦 鳳爪 炸雲吞等你燒緊嘅時候 都唔會冇嘢食 有嘢食下🤪仲有個爐俾你烚下菜同麵 幾好！唔怕食唔飽🤣嘢飲同甜品都有好多選擇 總有一款啱你😚總括嚟講呢度真係幾抵 未試過嘅朋友可以試吓🤓