影片
更多
2019-01-20
655 浏览
今日同朋友食就尼到食御好燒，雖然佢有好多分店，但都要食飯時間都要排下隊（有90分鐘限時）。餐廳售賣多種唔同日式鐵板燒餅，有文字燒、御好燒、廣島燒等等，多到我都唔記得，另有鐵板烤肉個，Ｄ文字燒就唔係一塊塊咁，而係食個陣用個細剷仔剷尼食；御好燒就係我地平時成日食個隻燒餅；而廣島燒就餡餅入面有炒面！（以上分別係根據本人觀察所得，不過唔同燒都代表住唔同地方文化，就好似馬來西亞嘅叻沙係唔同地區口味都有所不同一樣。）每張台都會有塊鐵板，俾大家煮野食～台上面個張「指示」教大家煮唔同既食物，如果覺得自己廚藝不佳，都可以請店員代勞。今次我地點左：海鮮五品御好燒，蛋白奄列炒麵，粟米沙律同兩杯燒酎梳打粟米沙律，正正常常，材料新鮮，份量都多。海鮮五品御喜燒：上菜時可清楚見到入面材料，有元貝、魷魚、明太子、鮮蝦等等。第一步就係用木匙將材料攪拌，增加麵糊入面嘅空氣含量，煎出尼嘅效果會厚實少少。攪拌完之後就可以倒係鐵板上面，直踁大約10CM到，長過手掌少少，每面煎5分鐘。之後搽醬油膏，食譜入面無指示要落幾多醬油膏，所以調味方面就要自己拿捏啦，我地就落左1匙半左右，就夠味。最後淋上沙律醬、海苔以及鰹魚粉，完成！（沙律
今日同朋友食就尼到食御好燒，雖然佢有好多分店，但都要食飯時間都要排下隊（有90分鐘限時）。
餐廳售賣多種唔同日式鐵板燒餅，有文字燒、御好燒、廣島燒等等，多到我都唔記得，另有鐵板烤肉個，Ｄ文字燒就唔係一塊塊咁，而係食個陣用個細剷仔剷尼食；御好燒就係我地平時成日食個隻燒餅；而廣島燒就餡餅入面有炒面！（以上分別係根據本人觀察所得，不過唔同燒都代表住唔同地方文化，就好似馬來西亞嘅叻沙係唔同地區口味都有所不同一樣。）
每張台都會有塊鐵板，俾大家煮野食～台上面個張「指示」教大家煮唔同既食物，如果覺得自己廚藝不佳，都可以請店員代勞。
今次我地點左：海鮮五品御好燒，蛋白奄列炒麵，粟米沙律同兩杯燒酎梳打
粟米沙律，正正常常，材料新鮮，份量都多。
海鮮五品御喜燒：上菜時可清楚見到入面材料，有元貝、魷魚、明太子、鮮蝦等等。
第一步就係用木匙將材料攪拌，增加麵糊入面嘅空氣含量，煎出尼嘅效果會厚實少少。攪拌完之後就可以倒係鐵板上面，直踁大約10CM到，長過手掌少少，每面煎5分鐘。
之後搽醬油膏，食譜入面無指示要落幾多醬油膏，所以調味方面就要自己拿捏啦，我地就落左1匙半左右，就夠味。
最後淋上沙律醬、海苔以及鰹魚粉，完成！（沙律醬落得有少少核突，請見諒），麵糊同海鮮比例合適，海鮮量都多，每一啖都有明太子鹹香味！
之後有請炒麵登場：
奄列蛋炒麵
19 浏览
0 赞好
0 留言
首先將菜同肉炒2-3分鐘，之後係隔離炒散個麵（加入附餐清湯），我地唔記左落，但都炒得熟，哈哈～
之後撈埋一齊炒，炒到咁上下就可以整奄列蛋皮，因為廚藝不精，所以請店員代勞。
佢首先將蛋皮平舖，煎到半熟就將炒完嘅麵放係上位置。
之後就準備捲埋佢啦～
完成～～呢個店員手筆嘅沙律醬，靚好多。
24 浏览
0 赞好
0 留言
题外话/补充资料：
食完件衫會吸左少少少少油煙味，如果之後有重要約會嘅人，留返下次先食啦
(以上食记乃用户个人意见 , 并不代表OpenRice之观点。)
张贴
