更多
2017-12-05
259 浏览
公司臨近聖誕請大家食飯,晏晝去咗一間韓燒食午餐,但係啱啱先病好,都唔敢食太多韓燒,好彩餐廳竟然有熟食供應。餐廳嘅環境都唔錯好開揚,我哋10幾人自成一角,有卡位坐。出去行咗一轉,嘢飲種類都唔少,甜品雪糕都有,但係就唔敢食,因為啱啱先病返好。有一個大雪櫃全部都係生嘅肉,另外一邊就係一啲熟嘅食物,咁我就梗係主攻佢哋啦。韓式炒粉絲又幾好食喎,調味夠,係油左少少,仲食咗幾舊壽司添,壽司嘅質素就一般啦。竟然有燴牛尾同埋薑醋,牛尾骨頭好大,冇乜肉食,薑醋雞蛋好入味,豬手都好好食。偷食咗幾舊同事嘅燒肉,其實食落都重味精,所以食咗一兩夠就冇食到,同埋要記得落油去燒,如果唔係幾易燒焦最後有個豆腐花食,旁邊可以自己落黃糖,可能我冇乜落啦,就冇乜甜味,豆味都不太重但係值得一讚嘅係,完全冇油煙味,佢嘅爐頭直接可以抽風,埋單每人百四蚊左右,平價燒烤來講都算係唔錯。
餐廳嘅環境都唔錯好開揚,我哋10幾人自成一角,有卡位坐。
有一個大雪櫃全部都係生嘅肉,另外一邊就係一啲熟嘅食物,咁我就梗係主攻佢哋啦。
韓式炒粉絲又幾好食喎,調味夠,係油左少少,
竟然有燴牛尾同埋薑醋,牛尾骨頭好大,冇乜肉食,薑醋雞蛋好入味,豬手都好好食。
偷食咗幾舊同事嘅燒肉,其實食落都重味精,所以食咗一兩夠就冇食到,同埋要記得落油去燒,如果唔係幾易燒焦
最後有個豆腐花食,旁邊可以自己落黃糖,可能我冇乜落啦,就冇乜甜味,豆味都不太重
但係值得一讚嘅係,完全冇油煙味,佢嘅爐頭直接可以抽風,埋單每人百四蚊左右,平價燒烤來講都算係唔錯。
张贴