回到味來 (已結業)

開始有少少涼，即刻同朋友去食雞煲，好耐冇食過嘞，所以搵左呢間喺旺角嘅，貪大家放工方便！嚟到見到有好多選擇，樣樣都好想試，揀左勁耐，最終要左個黃燜雞煲，貪佢唔辣！本身都驚食唔辣嘅雞煲會無咁惹味，但點知原來咁諗真係大錯特錯！一嚟到店員打開個蓋都已經聞到勁香！侍應會細心咁幫你攪下個煲跟住就食得，d 雞件勁多，而且件件都好嫩滑！雖然唔辣，但都勁香勁惹味！食到咁上下，侍應開始加湯，等我哋可以打邊爐！本身呢款雞煲會送一份薯粉，薯粉用嚟配咁惹味嘅汁真係一流，我食左勁多！因為我地早入座，餐廳送左碗蜆比我地，好新鮮，非常鮮甜！另外我地仲叫左好多配料，肉類我地叫左碟豚肉同羊肉，兩碟都份量十足！羊肉唔會好膻，豚肉切到薄一薄，好快熟，好正！每次打邊爐，我一定會叫響鈴，所以今次都唔例外！呢個即炸響鈴水準都高，炸到脆卜卜，輕輕一淥就食得！我地仲叫左芝士魚豆腐同香菇貢丸，芝士魚豆腐好正，咬落去勁多芝士湧出嚟！本身勁飽都忍唔住要清哂去！樣樣菜都想食，所以叫左個蔬菜拼盤，餐廳好有心機咁擺放很好靚，見到都食慾大增！我同朋友都好鍾意食准山，但我地兩個都係懶鬼，成日唔想係屋企食，因為怕左要刨同埋怕整到隻手滑潺潺，寧願出街食，