沐白小農 (已結業)

餐廳最有愛嘅係佢有叉電位，仲比埋線。我自己就坐咗半個鐘 😂 真係行到累同好熱，入去hea一陣一流。而且見到都佢係用明治鮮奶 💕 心心眼 。旁邊都懶係野有少少打卡位。--🍶 大甲芋頭鮮奶 HK$30 (芋圓+$6)芋圓幾有咬口，但偏un。底有好多芋頭蓉令人飽肚。飲品嘅甜主要黎至芋頭蓉，感覺唔會太甜。.🍓 草莓鮮奶 HK$35超愛呢杯，真草莓味道。雖然少少酸，但牛奶比例都多，整體唔會好甜，而且好似幾健康咁。.🥛 沐白黑糖波霸鮮奶 HK$30咁多杯最甜就係佢啦! 但想飲黑糖，就無可能唔甜嘅。😂 因為珍珠用黑糖煲，甜嘅味道黎至珍珠，所以齋飲牛奶係真牛奶味道。