YA! YA! YA! BURGER & BAR (已結業)

邊個話端午節一定要食糭 今日我同大舊就黎個返傳統 端午節食burger 由於我哋安排咗食完飯之後去朗豪坊睇戲 所以今日就揀咗喺朗豪坊隔離嘅朗晴坊度食午飯～～～呢間餐廳個裝修好似cafe feel 點知入到去先發現原來佢哋有包場包房服務 設有唱k房 可以約埋朋友一齊過嚟唱K飲酒 價錢仲抵過去neway個d 野食又比較多選擇 幾正 下次可以約埋朋友一齊嚟聚會～～～而我哋今次兩個人就叫午市套餐（送餐湯送飲品）都一樣好抵食～～～我哋叫咗一個日式蒲燒原條鰻魚飯同邪惡芝士安格斯牛肉漢堡配薯角 一杯陳皮山楂洛神花茶同一杯檸檬百香果梳打同兩支啤酒🍺～～～日式蒲燒原條鰻魚飯整得夠靚之餘味道亦好吃鰻魚肥美 又大條 邪惡芝士安格斯牛肉漢堡配薯角味道亦同樣不錯 安格斯牛肉漢堡好粉嫩 薯角熱辣辣又香脆 食一啖薯角再配一啖酸酸甜甜嘅陳皮山楂洛神花茶或檸檬百香果梳打解膩又解渴 非常夾～～～臨走發現原來佢哋而家做緊優惠憑任何電影院線即日戲飛 可享全單九折 下次等我睇完戲再嚟食過先～～～推薦度：🔥🔥🔥🔥🔥🔥🔥🔥YA! YA! YA! BURGER & BAR (旺角)旺角砵蘭街215號朗晴坊5樓