木衛二鑄茶所 (怡和街) (已結業)

炎炎夏日，同O先生排隊等小巴途中，見到對面有間新開既「木衛二·鑄茶所」，個名同裝修都幾有趣，吸引左我地去試下。店舖嚟自台灣，名字以伽利略發現既行星命名既，舖入面有迷你版既活字印刷機同义手機電既位置（自己要有usb 線）等客人消遣一下。我地排左大概20mins左右輪到我地，不過奶蓋系列已經賣晒 （大概係4pm左右），所以隨意點左杯藍伯爵茶那提試下，呢間茶所聲稱d茶係用紫砂壺沖既，等d茶飲落更香醇；杯蓋既設計可扭轉蓋住個杯口，都幾細心。茶同奶既比例就目測大概2:1但係飲落口都係覺得茶味唔夠，醇就幾醇易入口既。希望有機會再試既時候茶味可以濃返d就好啦。