老富昌色彩 (已結業)

有日約朋友係旺角新世紀廣場食飯,本來想去'蘋果綠',但有人怕熱氣; 上網睇到這間食評唔錯的老富昌色彩,於是決定一試.是晚order的包括有...拼盤 $78 - 是晚最"睇得'的食物(唔計甜品); 有沙律,春卷,雞塊,雞鎚和田螺. Standard的味道,不過不失,惟獨雞鎚實在過份'迷你'...一口牛柳粒 $42 - 石頭鍋上, 味道OK.我們order了三個飯/意粉,但無一個掂囉... 先講南瓜蟹肉意粉 $50 - 嘩,'杰'都爆,一點汁都無,兼只有少量蟹肉...海鮮意大利飯 - 本來碟飯係OK,但唔明點解要落田螺. 田螺味道太勁,聞落或食落變成有陣怪味...另外有個唔記得係焗豬扒(定魚柳)飯 - 諗極都唔明點解佢地乜都落田螺,真係同碟飯唔夾呀... 田螺只有係同薯蓉一齊先最好食.甜品方面,先order個甜品拼盤 $68 - 有tiramsu,雪糕,燉蛋&好似係件椰汁糕的物體, 一般啦.Menu叫朱古力布甸,但似心太軟的甜品. 都幾'流心',相比上面個所謂拼盤我較鍾意食這個; 不過都要$48.最後一個米奇雪糕 $24,純粹係menu上張相真係砌得好似Mickey,不過真實係完全唔似.