老富昌色彩 (已結業)

見到樓下食評. 話老富昌色彩仲送左幾張coupon比佢地地添, 可見呢間色彩都好「大細超」, 唔係個個都送coupon。各位去到老富昌色彩記住問下有冇coupon,過門都係客, 無謂俾佢地色彩『坤』食客$100做會員。份量有大有細, 講真兩次我飲左兩杯「榛子朱古力特飲」,細細的雪球在朱古力奶上面部份(低過水位),只有WhipCream在面, 絕冇樓下食評咁好有咁大個雪球高過水面。小肥羊春卷都仲有D肉食, 老富昌色彩個鹅肝春卷只有炸春卷皮,完全食唔到鹅肝。浪費了三十五元($32+10%)。焗豬排飯一般, 飯太濕, 份量普通。注意下午茶餐,只西多士收十二元, 加咖啡或奶茶加六元。星期六、日比平日貴少少。下午茶餐鮮茄汁海鮮扁意粉海鮮份量少得可憐, baby size clams 跟袖珍尤魚碎要放大鏡才看到。唯一可取是海鮮墨魚麵加意粉，加蒜片, 炒得好香。海鮮份量一般, 不太多。