嚐聚素食 (已結業)

想係尖沙咀搵素餐廳，無意中見到呢個素食餐廳，見 Menu 都吸引，就入去試下。餐廳環境都幾舒適，set lunch 有8款選擇，包埋湯或飲品。我揀左湯及素漢堡配薯條。冬瓜眉豆蓮子薏米湯：都足料的，有好多湯渣，幾好飲。素漢堡配薯條：薯條是麥記個d，但炸得好脆好好食。擺左一段時間都keep到脆的。漢堡就較失望，麵包太乾身，又不夠醬。漢堡食落似係薯蓉，煎得香脆的，但無咩味。雖然漢堡有點失望，不過都會想再試下呢間餐廳其他菜式的。