星座冰室 (已搬遷) 新店位置

相信星座冰室喺尖沙咀區都已經大有名氣, 同埋應該係好多打工仔嘅午餐去處, 雖然佢一碗麵都要成三十幾蚊, 一啲都唔平, 但係喺尖沙咀區黎講, 四十蚊有找就落到樓嘅一地方真係難搵.一如以往, 我要左茄牛通加太陽蛋, 因為比起即食麵, 通粉更容易鎖住湯汁, 食起黎味道較豐富. 番茄湯落足料, 打左少少生粉獻, 令個湯杰杰地, 可以裹著通粉. 選擇加太陽蛋而唔係要番茄撈蛋, 係因為唔想成個麵個質感都好滑溜, 口感過份一致. 再者太陽蛋蛋黃的蛋汁香味係特別濃郁, 加埋軟滑嘅牛肉同酸酸甜甜嘅蕃茄湯一齊食真係至高享受!!!