新華冰室

营业中

休息中

星期日晚七八點一個人晚飯，間舖唔大，裝修走平民西餐廳格調，而非一般茶餐廳，稍舊，好乾淨。得返幾個搭枱位，是旦坐落去。四圍都係一家大細或兩公婆，仲有三代同堂八九個人拼枱食飯，但出奇冇鬧人聲，冇埋怨聲、冇講是非聲，全部都好開心咁等野食或食緊野，最大聲嘅都係小朋友嘅呼叫，而且冇人拎住個電話/平板電腦嚮樹禁。叫左個「香草蒜蓉煙肉意粉」加凍咖啡，份量夠，唔係用高級材料係意料中事，但意粉軟硬度適中，香草、蒜蓉、煙肉嘅份量比例同臭覺/味覺平衡洽到好處，令我感受到廚師嘅誠意同功力。