大漁屋台 (已結業)

餐廳裝修較為現代風，但餐廳內外都有好多日式擺設，顏色好搶眼，在商場內遠遠都看到這間日式餐廳。入到餐廳，已經見到廚師切刺身，看見好想食，所以先order 刺身和壽司。刺身是針魚，條魚比較細條，切出來比較細件，可能是新鮮，肉質好有彈性，而且好甜。第一次見到全條針魚，原來這種魚咁好味。刺身沙律都好好味，蔬菜勁爽口，沙津汁好開胃，蟹子多，蝦大隻又甜。壽司都order左蝦，一樣大隻又鮮甜。海膽軍艦，襯紫菜脆口，要快D食，海膽甘香又鮮甜。而帆立貝刺身壽司，又甜又張口。食材夠新鮮，真係好回味。