影片
更多
2009-11-11
10 浏览
尋日爸爸生日，一早就問左佢想食咩，佢話想食大閘蟹，又想食火煱，咁岩上期壹週刊推介過一間係紅磡o既餐廳，食火煱有大閘蟹送，所以就織刻訂位。Book左7點鐘，點知早左到，入餐廳試下可唔可以早d入座，入到去侍應好快就安排我地入座喇！餐廳環境一流，水晶燈好靚，媽咪都好鍾意……坐低無你耐，侍應就好細心咁解釋飲品o既收費，我同媽咪就揀左+$38任飲啤酒汽水橙汁酸梅湯，而爸爸就+$68任飲紅白酒汽水橙汁酸梅湯，如果唔飲紅白酒每位只收$268+$38+10%另外仲有8折添~每位都唔洗$300就有大閘蟹，海鮮自助火煱食喇！我揀左麻辣湯底，而爸媽就揀左白松茸黨參湯底，我個湯底唔會太辣唔會話遮曬d味道，而白松茸黨參湯底就好香黨參味。食物方面，因為係自助形式，所以唔會好似平時(話就話任食果d餐廳) 劃3碟先黎得1碟咁，自助形式鍾意食咩，食幾多都自己夾！因為呢個係海鮮火煱，所以一段海蝦，珊瑚蚌等都有，最驚喜o既竟然有星斑用黎打邊爐！！星斑厚度適中，用黎打邊爐就岩岩好！唔會話太un或者好多骨，味道亦食得出係好新鮮！！食到最後仲有甜品自助餐添！朱古力蛋糕，荔枝雪米磁，樣樣都係我o既最愛，仲有Movenpick朱古力
咁岩上期壹週刊推介過一間係紅磡o既餐廳，食火煱有大閘蟹送，所以就織刻訂位。
Book左7點鐘，點知早左到，入餐廳試下可唔可以早d入座，入到去侍應好快就安排我地入座喇！
餐廳環境一流，水晶燈好靚，媽咪都好鍾意……坐低無你耐，侍應就好細心咁解釋飲品o既收費，我同媽咪就揀左+$38任飲啤酒汽水橙汁酸梅湯，而爸爸就+$68任飲紅白酒汽水橙汁酸梅湯，如果唔飲紅白酒每位只收$268+$38+10%另外仲有8折添~每位都唔洗$300就有大閘蟹，海鮮自助火煱食喇！
我揀左麻辣湯底，而爸媽就揀左白松茸黨參湯底，我個湯底唔會太辣唔會話遮曬d味道，而白松茸黨參湯底就好香黨參味。食物方面，因為係自助形式，所以唔會好似平時(話就話任食果d餐廳) 劃3碟先黎得1碟咁，自助形式鍾意食咩，食幾多都自己夾！
因為呢個係海鮮火煱，所以一段海蝦，珊瑚蚌等都有，最驚喜o既竟然有星斑用黎打邊爐！！星斑厚度適中，用黎打邊爐就岩岩好！唔會話太un或者好多骨，味道亦食得出係好新鮮！！
食到最後仲有甜品自助餐添！朱古力蛋糕，荔枝雪米磁，樣樣都係我o既最愛，仲有Movenpick朱古力雪榚任食，唉…食完呢餐又肥多幾磅lu~我o既減肥大計又要押後lu~~
總括黎講，火煱配料新鮮多選擇，而侍應o既招呼亦都好週到，只要隻碟有骨頭或蝦殼就會趁我地出去拎野食o既時候換左！無左食食下野換碟o既尷尬！！
张贴