叄壽司凍肉專門店

营业中

休息中

今日上朋友仔屋企玩貓，買外賣上去食啦，係附近搵到呢間壽司店。原來唔止壽司店咁簡單，仲有雞煲、凍肉，代購食品，小店做到一應俱全。自完制墨魚咀，喜歡食辣一定要試，夠辣不特止，墨魚咀咬落去索索聲兼有口感，好好味！三文魚、吞拿魚刺身，刺身表面有光澤，新鮮又厚切，抵食！帶子裙邊、辣味三文魚、牛油果壽司，呢三款都係特色壽司，帶子裙邊好爽口，三文魚角切連紫洋蔥有微辣刺激，牛油果做壽司，效果又唔錯喎！腐皮壽司都不再單調，有幾個組合，有創意得來又好味。蟹子玉子燒，暖笠笠既玉子燒食到濃郁蛋味，蟹子係口卜卜下仲有一層層玉子口感，食落好多層次。雞軟骨，一份既份量都唔少啊，軟骨好有咬勁。