酌 (已結業)

係尖沙咀的確好方便搵到韓食，最近又多咗間選擇，酌。佢係樓上舖，上到去感覺好寬闊，有別於其他地舖，酌坐得舒服之餘仲好有privacy。我哋兩個人叫咗三餸一酒，Pear Soju Cocktail.一開始上燒酒已經感受到好有誠意，大份之餘，仲配搭得好好。魚湯好暖胃，用杯飲每人有四至五杯㗎，內含三大串魚板串，好足料！燒ribs係推介之選，有配上大葱、燒蒜頭、泡菜同十幾廿粒燒肉，肥瘦適中，好嫩口，粒粒都好正，建議每粒肉都配上泡菜食！牛肉粉絲好似好普通，不過係哩一餐嘅點綴，唔會好咸亦都唔會太濕太淋！