影片
更多
2025-08-18
0 浏览
而家呢個裝修前，好唔得，差過明德果間好多裝修後初期，都唔得，所以無去好耐最近去過兩次加一次外賣，全部非繁忙時間，質素有反彈，有心機咗，值得鼓勵，估計廚房終於換咗人佢哋份量一向少，而家擺明用碗，好胃口既會失望，飯份量可以，叫炒粉麵細份好冇癮（尤其干牛河）銀芽炒麵以前個汁好似羹，得幾條肉絲，而家材料滿滿，炸麵無以前整到碗型叫「碗頭飯」穩陣啲，有多少似珍珠米，不過唔肯定芙蓉蛋飯，得，足料，無煎乾，如果飯底先落啲油同豉油更佳茄牛飯，得，夠牛肉，甜酸度啱啱好蒽油雞排飯加溫泉旦，得，不過並非燒味點雞果種蔥，雞排夠熱夠潤，唔係整定放到乾果隻小食炸鮮奶，即叫即炸，得小食炸魚柳，即叫即炸，得，不過啤水過龍無曬魚味有機會會試埋佢地既咖喱腩、魚香茄子飯、麻婆豆腐飯等，算多選擇凍檸茶用檸汁，好有爭議，個人幾鍾意，反正差唔多所有茶記都大量切定曬，唔少亦只比兩三薄片，咁用「鮮」檸檬無乜意思。有得揀多檸定少檸汁員工一向好殷勤，雖然有人可能會覺得多口同大聲通常好景都不常，希望佢哋維持落去，有幾耐得幾耐
裝修後初期，都唔得，所以無去好耐
最近去過兩次加一次外賣，全部非繁忙時間，質素有反彈，有心機咗，值得鼓勵，估計廚房終於換咗人
佢哋份量一向少，而家擺明用碗，好胃口既會失望，飯份量可以，叫炒粉麵細份好冇癮（尤其干牛河）
銀芽炒麵以前個汁好似羹，得幾條肉絲，而家材料滿滿，炸麵無以前整到碗型
叫「碗頭飯」穩陣啲，有多少似珍珠米，不過唔肯定
芙蓉蛋飯，得，足料，無煎乾，如果飯底先落啲油同豉油更佳
茄牛飯，得，夠牛肉，甜酸度啱啱好
蒽油雞排飯加溫泉旦，得，不過並非燒味點雞果種蔥，雞排夠熱夠潤，唔係整定放到乾果隻
小食炸鮮奶，即叫即炸，得
小食炸魚柳，即叫即炸，得，不過啤水過龍無曬魚味
有機會會試埋佢地既咖喱腩、魚香茄子飯、麻婆豆腐飯等，算多選擇
凍檸茶用檸汁，好有爭議，個人幾鍾意，反正差唔多所有茶記都大量切定曬，唔少亦只比兩三薄片，咁用「鮮」檸檬無乜意思。有得揀多檸定少檸汁
員工一向好殷勤，雖然有人可能會覺得多口同大聲
通常好景都不常，希望佢哋維持落去，有幾耐得幾耐
张贴