有囍 (已結業)

今日屋企人唔得閒煮食，見屋企附近開左間小店，平日夜晚都幾多人去食，所以今日就趁機會試試佢❣️❣️咕嚕蝦球一開始仲諗住急凍蝦未必會好有驚喜，媽媽中意食就算，但居然蝦肉十分爽口，酸甜度都幾適中，炸漿都唔會太厚，仲保持到香脆嘅口感！乾煸肉鬆四季豆呢個本身自己好中意食，因為屋企好難煮得好食，呢間小店果然無令我失望，四季豆炒得十分乾身，而入面保持到蔬菜嘅水份，仲要無其他餐廳嘅咁多油，感覺上健康好多薑蔥桶蠔呢個餸份量驚人！仲諗住得四五隻，點知有成八隻，桶蠔外面包住一層薄薄嘅生粉再攞去大火煎炒，加埋薑蔥真係好香口，愛蠔人士可以一戰！蜜椒金薯牛仔粒呢個餸係呢間餐廳嘅招牌菜，果然，嘆為觀止，一黎到就勁香，牛柳粒係一口嘅大小，唔會炒到好老，入面勁多肉汁。另外，甜度並不是那種死甜的感覺，係有少少嘅蜜糖甜味，又帶有少少微辣，真係絕配。最後想講，配角都好重要，薯仔亦係一口大小，外脆內軟，又唔會好乾，呢樣野係好多餐廳忽略嘅重點！仲有叫左其他餸，最出色嘅就介紹咁多先，等大家再去探索下。 呢間小店好岩啲平時唔得閒煮飯，又想食下小菜嘅大家，因為價錢合理，餸菜又好食，性價比十分合理。