響 - Hibiki 日本燒肉 (已結業)

係廟街果頭見到日式燒肉banner，諗起都好耐冇食，就試下！入去已經比呢個壁畫吸引，好型先黎個刺身！海膽好好味，其他刺身都新鮮，都有啲厚度架🤤不停食生蝦同帶子，鮮甜呢然後係肉肉船，好貼心咁提我地燒緊乜野牛胸腹我覺得好好味牛肋骨好淋，不過吾係落左鬆肉粉既感覺，好正，至於雞翼我本身以為冇味，但原來都有醃下的，咬到中間既肉都有味海鮮都算係咁啦！蠔大大隻，仲有鮑魚同兩條魚啊～蝦燒好之後肉質彈牙，魚肉結實，燒得好香不得不提我地食完再添食既榴蓮波！炸得好乾身，而且榴蓮流心既味好真實！吾係化學味呢！