甜品工房 (已結業)

見好多人企係門口，以為等位啦，原來係等外賣雪糕，反而堂食就直入唔洗等。坐低叫左個紫醉之迷，黑色情迷，窩夫。紫醉之迷：有冧酒提子雪糕，粟米片，椰果， 脆珠。係3個甜品之中最好味嘅，特別在係巨峰提子味脆珠，食落係脆嘅啫咁，我接受到，覺得幾得意，不過有朋友就話脆珠似金魚缸入面嘅氧氣珠 黑色情迷：都係多層材料，有乳酪，可可米，oreo, 粟米片。個杯口太細，要食左一半乳酪先可以插到支匙羹落去，咁就令到低部果d 可可米，oreo, 粟米片唔夠雪糕混埋一齊食，失色不少！而且乳酪唔夠creamy, 淡口，撈起黎唔好味。建議大家揀配雪糕！窩夫：雪糕(自選), 士多啤利 /醬，cream, 藍莓普普通通，窩夫脆但好硬，加左雪糕一齊食都係好硬，下次可以唔洗叫。總括黎講，真係好普通，分子雪糕/乳酪都唔係好好味姐，唔明點解咁多人排隊。