翡翠拉麵小籠包 (已結業)

兩個人下午6時經過，見都唔算好多人就來試試。叫了雞湯麵、擔擔麵、小籠飽同蘿蔔絲酥餅。雞湯麵普普通通，始終好食的雞湯麵唔係咁易搵得到，仲要只賣30幾蚊，大家心中有數吧！擔擔麵唔錯，麵身夠彈牙，湯底又夠濃，不比詠藜園差，當然係講緊舊舖啦！小籠飽都幾好，算是皮薄餡正，以此為名應會差得去邊；蘿蔔絲酥餅有水準，與一般好一點的酒樓如海都鴻星利園都相若。埋單百多元都唔算好貴。6點半過後真係好墟埳，係除了元氣外最多人等的食店。招呼都唔覺好差，會催客埋單都唔奇，似乎唔係一個靜靜地坐低傾計食野的地方，來吃亦最好預左。同去魚一丁般，未食過可以一試，但要大排長龍就米搞，未至於非試不可的。