洪師父牛肉麵

营业中

休息中

難得有幾日長假期，梗係要出外走走啦， 新嘅東涌東薈城二期開幕， 乘機去八下有咩食先。洪師父喺台灣旅行時食過，好好食， 原來香港有開分店 ，梗係一定要再嚐下台灣之味啦。清燉五花牛腩麵未食之前梗係飲返啖清燉嘅清湯先， 個湯真係好清甜好味， 牛腩煮得好冧唔會好嚡又唔會有好多渣，好入味，好鬆軟。另外有碟係花生、葱花同酸菜嘅配料， 可以加入湯裡食， 我覺得加入配料落個湯度，味道更加有層次，更加好味。台式古早燒肉便當見到依個便當就即刻諗起喺台灣很多食店都有呢啲台式便當，非常懷念。燒肉味道不錯 ，同樣唔會嚡口，鬆軟。綜合鮮肉水餃水餃皮唔係太厚， 味道唔錯，又唔太鹹，食落好新鮮。QQ 鮮奶綠茶珍珠奶茶就一般 ，茶味唔夠濃，珍珠都可以，煮得啱啱好，彈牙。