龍鳳號 (已結業)

在公司附近、觀塘呢間新開的台灣食店「龍鳳號」好旺場，之前三次晚市去都好多人排隊，呢次在午市非繁忙時段去到終於有位，可以一探其虛實。吃了其招牌魯肉飯的午市套餐，唔錯。雖然沒有我喜歡的台北「金峰魯肉飯」般的級數，但此店的汁都幾夠濃郁，肉粒唔會一點肥肉都冇（魯肉飯同肉燥飯是不同的），整體來說以香港水平來說算很好了，就同區來說已比「阿元來了」的同類出品勝一籌。另外，套餐的雞肶炸得幾香，沒有用炸漿，感覺唔會太滯口。而這天套餐附送的小菜--蓮藕也不俗，夠爽口。唯一唔多掂係個湯鹹左D，味精落左不少。由於選魯肉飯要加5蚊，最後埋單都要七十幾蚊，算貴左少少。