影片
更多
2019-12-31
26 浏览
今日陪朋友去左荃灣千色個頭買野，上網搵到呢個商場幾多野行同埋有唔同既野食，所以就過左黎食啦。落到地庫，見到有啲已經食過既連鎖店，跟住呢間拉麵店夾住係中間，裝修幾靚，又幾似日本居酒屋既樣，就入左去食。因為唔算太肚餓，怕浪費既關係，我地叫左一份78蚊既set同兩款小食share。先講拉麵，呢款ankake拉麵既湯底比較深色，但係又唔會過咸，之前無試過，幾特別。拉麵底煮得幾彈牙，都唔會有鹼水味。糖心蛋煮得剛好，蛋黃唔會熟過龍，而且都夠味。叉燒有少少乾，但係都幾大塊下。配料既海帶同竹筍都比得幾多，唔錯唔錯。餃子因為佢話係自家製，所以就叫左黎試試。餡料感覺幾新鮮，啲菜仲係爽脆既。燒鯖魚好好食！煎得夠香，而且肉厚，魚肚位既魚油滲出黎好香！不過略嫌落得唔夠多鹽。燒雞腎都幾正，燒到脆脆地，完全唔會有腥味。不過同鯖魚有同一個問題，唔夠多鹽！兩款小食如果都有多少少鹽就真係perfect！
落到地庫，見到有啲已經食過既連鎖店，跟住呢間拉麵店夾住係中間，裝修幾靚，又幾似日本居酒屋既樣，就入左去食。
因為唔算太肚餓，怕浪費既關係，我地叫左一份78蚊既set同兩款小食share。
先講拉麵，呢款ankake拉麵既湯底比較深色，但係又唔會過咸，之前無試過，幾特別。拉麵底煮得幾彈牙，都唔會有鹼水味。糖心蛋煮得剛好，蛋黃唔會熟過龍，而且都夠味。叉燒有少少乾，但係都幾大塊下。配料既海帶同竹筍都比得幾多，唔錯唔錯。
餃子因為佢話係自家製，所以就叫左黎試試。餡料感覺幾新鮮，啲菜仲係爽脆既。
燒鯖魚好好食！煎得夠香，而且肉厚，魚肚位既魚油滲出黎好香！不過略嫌落得唔夠多鹽。
燒雞腎都幾正，燒到脆脆地，完全唔會有腥味。不過同鯖魚有同一個問題，唔夠多鹽！兩款小食如果都有多少少鹽就真係perfect！
张贴
