唇茶 (旺角中心第一座) (已結業)

係朋友介紹之下認識左依家隱世手搖飲既小店。間店個位置係旺中樓上，所以行開旺角你都未必會知佢既存在。唇茶固名思美淨係賣茶，夠專一同清晰。你要選擇既係你要乜種類既茶，要幾乜組合既combination，凍定熱同配乜配料。係我研究緊有乜熱門既時候店員好熱情咁了解我想飲乜口味既茶，又比我試下味先決定，同會比專業意見乜茶啱凍定熱同配啲乜。最後我揀左熱門既B1月滿花香，配原味桃膠。超好味又唔甜，桂花味好清新，配上重份量既桃膠，每啖茶都有桃膠陪伴，真係好正。