樂天經典 (奧海城二期)

营业中

休息中

同男朋友最鐘意周圍亂下尋找新野食，咁岩見到呢間野食好似幾特別，就入去醫肚啦！招牌扣肉包（咁邪惡？！）雖然我係咁諗但男朋友想食唯有捨命陪君子啦。脂肪與瘦肉相間既扣肉配上新鮮熱辣既饅頭夾包，睇文字都覺得好味吧！咖啡脆雞估唔到咖啡同雞咁風馬牛不相及既野可以擺埋一齊，當然要試試。唔愛飲咖啡既我本來都怕會苦，但結果雞肉只有咖啡香但唔苦，比味覺一次新鮮既體驗。黃金鹹蛋蝦球被鹹蛋緊緊裹著既蝦球新鮮彈牙，雖然同自己講過要小食炸野，但結果都係一粒接一粒。金銀蛋浸莧菜金銀蛋浸莧菜係我常點既菜式，亦係好難會整得差既菜式，但呢度既湯十分鮮味，值得一讚。楊枝甘露食完以上幾味已經幾飽，即刻召喚第二個胃出動！芒果味濃十分足料，為本餐畫上漂亮句號。