影片
更多
2007-09-02
10 浏览
尋晚(1-9-2007 Sat)同女性朋友V整完o野,行完街7:50pm到o黎,好多人等o緊,我o地攞飛,No係162,只叫到No.98,噢!預計起碼等一個鐘啦,有排等,於是行去冇幾遠o既北海道活壽司睇吓,少啲人,我o地又攞飛睇,係50,已叫到25,咦?只須等25張枱就到喇,我o地都係o係附近商場行吓,大約20分鐘o黎睇睇,活叫到No.52喇,不過我o地都未肚餓,V又食過呢間,而呢o度o既食評又好似麻麻,於是都係等峰壽司,9:20pm終於到我o地喇,中間跳o左成10個No.我o地至咁快咋,我o地亦都肚餓lu.我o地坐迴轉枱,食o左o既壽司有:1.$15.00蔥粒三文魚腩一時唔記得V唔食生o既三文魚,就只有我食,三文魚係長啲o既,上面有洋蔥圈同蔥粒,食落,覺得三文魚腩冇咩鮮味,所以要用呢兩隻蔥o黎吊味.PS衣o家至知原來係三文魚腩,但唔覺喎,都唔肥美2.$20.00峰蝦3. $9.00玉子4. $12.00飛魚子5.$15.00北寄貝OK,不過不失6.$15.00火灸牛舌薄薄o既牛舌,算爽,都有牛味7.$20.00螃蟹羔醬V話食到蟹羔味,佢話唔錯.而我….口感味覺都覺得似罐頭油浸吞拿魚8
1.$15.00蔥粒三文魚腩
一時唔記得V唔食生o既三文魚,就只有我食,三文魚係長啲o既,上面有洋蔥圈同蔥粒,食落,覺得三文魚腩冇咩鮮味,所以要用呢兩隻蔥o黎吊味.
PS衣o家至知原來係三文魚腩,但唔覺喎,都唔肥美
2.$20.00峰蝦
3. $9.00玉子
4. $12.00飛魚子
5.$15.00北寄貝
OK,不過不失
6.$15.00火灸牛舌
薄薄o既牛舌,算爽,都有牛味
7.$20.00螃蟹羔醬
V話食到蟹羔味,佢話唔錯.而我….口感味覺都覺得似罐頭油浸吞拿魚
8.$15.00鹽海螺
9.$20.00鹽帶子
兩樣都算鮮
10.$12.00酸梅海蜇
橙紅色o既海蜇,我o地兩個開頭都夾少少o黎試,V話好酸,我又唔覺喎,到我成件食都唔覺,只有淡淡o既酸梅味,海蜇爽口,紫菜唔爽亦唔淋
天婦羅
11.$20.00沙咀(抹茶鹽)
V稍為會食o既魚類,佢話幾好.
12.$20.00墨魚(抹茶鹽)
呢樣都OK
甜品
13.$15.00忌廉芭芙
都係覺得元氣好食啲,呢o度唔夠凍,鬆同忌廉唔多亦唔係幾夠味
湯
14.$15.00蛤仔湯
好夠熱,淡淡o既面豉湯裡有幾隻蛤,湯有蜆味,幾好o既
天婦羅漿唔厚亦唔油,不過原來都係壽司,奇怪.
我覺得呢o度o既wasabi好似比其他o既辣,豉油亦鹹,後尾o個啲我都唔點wasabi喇,但咩o野都唔點,啲飯又冇味,唯有點少少豉油啦.
而所有有鹽o既壽司,面上放o左一片薄薄o既檸檬同一小撮白或綠色o既鹽(視乎係咪抹茶鹽),賣相唔錯呢
服務:
大大杯好熱o既綠茶,係茶包o黎o既,而呢o度迴轉枱係冇熱水龍頭,要侍應幫我o地斟水,而開頭要叫至o黎加,不過都OK,唔會應o左你就冇o左件事,而尾段就成日自動自覺o黎加喇.
當中我見到一個男侍應為另一枱客加水時,佢可以被啲水流落自己肚o既位置仍不自知,.
環境:
迴轉枱雖然冇地方擺o野,要攬住啲袋o黎食,不過都依然闊落唔迫夾,坐得舒服,枱o既深度都好夠啊.
衛生:
我覺得火灸類o既壽司唔好整定擺o係迴轉帶上任佢轉,而應該係即叫即整囉.可能怕有倒汗水,所以唔蓋上膠蓋,咁樣唔係幾衛生.
其實食物算係中等,不過其他因素搭夠,可以畀個笑o既..
o係呢o度多謝V為我第一次食牛舌,而我亦都畀o左我今年o既第一餐生日飯你,打和喇.:-)講笑啫,尋日真係好多謝你唔出聲咁請我食呢餐飯同o個包湯,真係好touching啊,o黎,錫返啖以作報答先,嘻嘻!
张贴