Islands Salads & Seafood

這餐廳不是經常開門, 有次8:35 落樓想去食, 點知關門大吉.
今次都是8:30 去, 可幸未關門. 問老闆娘何時收工, 她說無客就會收工.

我們點了, 一個白汁意大利飯. 牛排. 意粉. 忌廉湯.

所有食物都要等, 水要自己去倒, 因只有老闆娘一個人做, 落單, 收碟, 煮餐, 都是她.
老闆娘已是一位老婆婆, 所以我們只好慢慢等. 因她所有食物都即煮, 包括湯, 所以囡囡等了好耐才有湯飲, 好彩都值, 囡囡很喜歡飲.

牛我不吃, 但看樣子不錯.

意大利飯, 超正. 好討厭生生硬硬的飯, 但這個沒有, 合度好處, 汁不多不少, 味道很好.

仲有一個茄汁意粉, 沒特別, 味道不錯.

若有時間不怕等, 真的可以再來食, 但最好先比電話, 否則摸門丁也.