海饌 - 海鮮牛扒餐廳 (Fashion Walk) (已結業)

行過見到有渣打優惠，就入去試下。因為早入去唔洗book位，但都幾full。餐廳環境好靚 ，每張枱之間空間好足夠，唔會聽到隔離講野。坐低食左一陣叫先至有水，不過之後佢裝水裝都幾密。叫左沙律，卡邦尼意粉，燒雞，食物賣相唔錯，佢個d碟好靚好特別。份量夠多，我地兩個人食唔哂。味道方面就有d失望，唔係難食不過全部都偏咸，咸到好口乾要係咁飲水，原本以為卡邦尼味道會溫和d，點知都係太咸。沙律d芝士都係咸左d，但入面d包碎好好味，好鬆脆。燒雞外皮又薄又脆，隻雞唔肥。成餐飯最唔慣係太咸，其實味道ok的。