意粉屋 (已結業)

叫咗五樣野, 兩個係小食, 原本都驚食唔晒, 原來D小食係好細碟, 睇MENU 時唔覺得係咁細, 最終只食淨一條芝士蟹肉菠菜卷...但都超飽!!芝士忌廉汁焗西蘭花鮮野菌 ~ 因太細碟, 西蘭花都要切得好細粒, 野菌好好味, 加埋好多芝士同好好味既忌廉...正!!焗吞拿魚粟米薯條 ~ 粗身既薯條好脆, 同一絲絲既芝士一齊吃...好嘢味!!酥皮焗海皇湯 ~ 酥皮好酥化, 料多湯乜好味呢!!龍蝦汁海鮮焗墨魚汁飯 ~ 焗得好香好野味又有咬口, 海鮮足料, 一上枱香噴噴..推界!!芝士蟹肉菠菜卷 ~ 正常應該係意粉皮包住蟹肉和菠菜餡, 但一D都睇唔到有蟹肉, 又食咗都蟹味, 不過白汁好好味, 意粉皮包住好多嫩菠菜, 就算得菠菜也 Yummy, 但價錢係應該要減D呢...會唔會漏咗包蟹肉呢...仍是一個迷..有機會再試就知....HEHEHEHE!!!呢間意粉屋環境好服務好食品下一回再評!!