六十六十火鍋 (已結業)

好幾次揸車經過呢間「六十六十火鍋」，都見佢好旺場，於是今晚特登早啲訂枱來試下，佢哋正常分三個時段，我就自己就book咗八點半🤗一嚟到門口，嗰種墟冚程度真係嚇我一跳，已經有好多客人等候入座，睇嚟咁多人幫襯，證明口碑唔錯👍🏻價錢方面由200-248元，唔使加一，已經有八款自選海鮮和六款自選火鍋配料，不過都要食個先至知道係咪咁正😬店內環境有卡位，亦有自由組合嘅枱，裝修簡潔舒適，乾淨企理，第一個印象唔錯😍先來幾款自己心水嘅海鮮，有沙白、蜆、鮮魷魚🦑、蠔，目測已經知道非常新鮮，海鮮嘅嘢冇得呃嘅，有圖有真相👍🏻另外幾款海鮮，多寶魚、鮑魚、扇貝、貴妃蚌，單單呢八款海鮮已經值回票價，心諗究竟佢有冇錢賺㗎？🤔湯底我地揀咗蕃茄濃湯底，當個湯底滾起嘅時候，將啲鮮蠔淥熟，鮮甜無比，既有番茄🍅嘅湯味，再加埋蠔嘅獨有鮮味，冇得頂💯另外火鍋配料，有西班牙梅頭肉，和美國肥牛，梅頭肉厚薄適中，肉味濃，美國肥牛雪花均勻，絶對係上品，啱晒我呢啲食肉獸😋仲有自家手打墨魚丸，爽滑彈牙，真材實料，另外我最鍾意呢個花膠仔，軟綿綿，滑嘟嘟，補充下啲骨膠原，皮膚都即刻有返彈力😬最後嘆埋個日本烏冬，連埋個番茄濃湯，簡直係Perfect池