第一腸粉專賣店 (已結業)

今天中午和老婆食完山東餃子經過這裡見裡面無人就走入去食腸粉。我們叫咗鴨絲腸粉，豬膶腸粉各一，一碗菜乾豬骨粥，一只糉。菜乾豬骨粥先來看落樣子美麗可惜成碗粥只是微暖，而且落了大量味精。到只糉來的時候赫了我一跳佢個size等於初生嬰兒只拳頭咁大，唯有安慰自己呢一只一定係精品嚟㗎。點知越食越激氣，成只糉裡面只有約4份一只咸蛋黄同小小肥膏，咁就收22蚊。跟住嚟的腸粉皮薄餡厚睇落好似好靚但食落口的餡就完全無味。老實講呢的嘢通街都食到啦，都吾知點解會有米芝蓮車胎人美食推介。