環境黎講有設計係有氣氛啲，而且人5算多，可以約幾個三五知己食下野吹下水都幾好。
食物方面女朋友就叫左個常餐，我就叫左碟滑雞小炒同5隻炸雞翼 😛結果飽到爆。
常餐方面女朋友就加錢要個丹麥麵包 炒蛋同午餐肉，佢出餐都好快手，無3分鐘就有得食對於返工族趕時間絕對係一流👍🏻至於有無影響食物質素我可以話係無。滑蛋蛋汁份量足料 應該都落左有2隻蛋 🤭夠埋我呢個男朋友偷食幾啖 ，因為我少食丹麥麵包個人覺得似啲酥皮麵包加牛油口感幾特別，鍾意既可以加4蚊一試無妨。
至於佢塊吉列炸豬扒同粉絲湯，湯底就叫左正宗新加坡椰香喇沙湯。
有亮點 👍🏻首先講下佢塊炸豬扒誇張到成隻手掌甘大，而且外面薄薄地一層吉列粉 食落外脆內嫩啱啱好 同埋佢豬扒醃到好入味。女朋友話5需要再沾沙律醬就已經好好味😛不過炸野配啲醬絕對係肥仔致愛，呢個強烈推薦大家加6蚊一定要食！
其次佢喇沙湯底係飲得出有3個層次首先係濃厚既沙茶醬味，接住係椰奶，最後以微辣微酸作結尾。以佢常餐既價錢有呢種層次，出符我預期之外☺野飲方面女朋友就要杯菜蜜🙈少女最愛 甜甜地又健康。
我個 啫啫蟲草花炆雞煲因為係即叫即做，所以要等8至15分鐘。首先講下佢個湯底膠質好重下☺係骨膠原，我覺得係有落到花膠雞腳熬個湯底所以先有咁重膠質。滑雞黎講真係好滑，感覺好似啲茶樓啲師傅整到甘滑，一來佢啲肉舊舊都有甘上下大 又有骨，可以煮到甘師傅都好勁👍🏻而且佢雲耳加汁撈飯一流🤭
小食方面叫左5隻雞翼，睇得出係用太白粉炸，有鹽酥雞既味道，而且食落有同豬扒一樣 醃嘅肉味。不過兩個叫5隻真係好飽🤪幾餓底都好下次都係叫3隻
整體而言我會覺得，呢間有亮點值得一試👍🏻
cp值 : 塊豬扒甘抵食仲5食?
食物水準: 7.9/10分
環境氣氛: 8/10分
回頭率: 75% 😛再食佢常餐
