坐底既時候比佢包紙巾吸引左，好少見咁好會提供Tempo。
燒手工雞皮，又脆又軟，咬緊既時候仲會有啲油出返黎，並唔係乾哂。
孜然牛肉串，好香孜然味，肉都好腍又有肉汁。
回味香辣雞煲，我地只係叫左微辣，廢事太辣飲好多野。雞都滑，食胸都唔會太嚡。湯都好濃好夠味。
奇脆炸魚皮，就咁食都脆，浸一陣湯索埋啲湯更加好味。
鮮爽黑柏業，好大塊，煮完無乜縮水而且好爽口。
頂級手切牛頸脊，雪花紋路好靚，食落好腍好香肉味，手切當然係唔同啲。
不可錯過手工雲吞王，多蝦好足料，成粒都好飽滿，皮仲要夠薄。
棍打牛筋丸，好彈牙，多汁同有牛味。
